KUMPULAN KODA KIRIN (SASTRA DAN MANTRA ADONARA)

(Copy : DonboscoLambunga.blogspot)

 

KODA PULO AMA TUTU//KIRING LEMA KAKA MARING,

GUTE TAO TETI HIKUN LIMAN WANANG// GERE GADAK DI KEWANANG NORENG WAKONG

WETI NUBA NAAN TUTU NUBA//NARA NETE MARIN NARA.

TAAN ONET PETEN-PETEN//HAKA YONET SEME SUDI

BEKE AKE TAAN HOLA//TEPO AKE TAAN BOLAK

KODA KERU//KIRIN BAKI

TALA TUKAN LALI TAI//LOLON TEDE HAKA TAI

LEDAN DOPI//LEDAN GALA//GAWAK LABI

TITE NAAN NOON BINENG//TITE KAKAN ARIN HENA//PAI TALA LANGO GERE

NUBA NUBUN//NARA BARAN

PUIN TAAN UIN EH'AN//GAHAN TAAN KAHAN TOU.

BEL'EN LEWO MEHENENG SUKU//UKU DIKE HEKET SARA

BELU AU' NARAN BALA//METE SIPA DULI LALI

MIO AWI SABOK LELA//LUSI GERE LELA PALI LOLON

MAAN TUGU DEI' BLELA GERE//WETI NAAN TOBO LOLA NAI

 ALANG DOANG HANGE LELA KABE DENGE//TIRO HALA KEDE SOSOK

WETI RA SOSOK NEKING//GO SOSOK WANANG

KODA PUKEN KOI HALA//KIRING WUTUKENG GO LILE KURANG

WETI ALOT NALANG KEDE AWOT//KIRING NEKING KEDE HOLO

WETI KODA ATA TAPAN HALA//KIRIN ATA HOLO KURANG.

AMA MIO PULO KAE//KAKA ATA LEMA KAE

MAAN ONEKE DIKE DIKE//MAI ETE RIBUN LEIN LAU//MAI ARA RATUN WERAN RAE

WETI AKE RAAN TUPA RAAN TAGA//

TI INA ATA WAEBELEK//BINE ATA TUKAN TUA

RAI HOPE SIA APU LALI WULE RARA UE//DI AKE SEMA SOOT RO KEREGIT

PUKEN TITE ATA KAKAN ARIN//TITE ATA EDO REU.


RIBHUN PULO LEIN LAU//RATHUN LEMA WERANG RAE

RA PUKEN KEDE WELI NOAN//RA GENING NOAK RAE WAKON

MIO BEL'EN BERA ETA EGAN//RA MEHEN DELA ETE ARA

WETI DULI LAU AKEN TAGA//REGON RAE AKE GLAGIT

WETI LEWO AKE RAAN TUPA//TANA AKE RAAN LAGA

BEKE TUEN HOLA BALIK//SARE SAPE NUAN TUTU//

TAAN EDO NOON REU
  

KODA AKU TEPELATE//KIRING NEACH TEGELARA

WETI MO HUBAN BOLAK SEME BUTON ILE ALENG//MO SOKA GOKA WATO ATU TOLO

MATA MAI TURU TANA//LOLAK MAI LONI EKANG

MO PANA PEKKEN DI KENEHIN//MO GAWE LUPAN DIBEDELA.

HERE HODANG TETI LODO//OLA DOKA LALI GERE
TAAN GELEKAT LEWO//TAAN GEWAYAN TANA

SUKU PULO HONE TOBO//LUWO LEMA WANIN PAE.

TOBO TAAN LEWO LEIN LAU NAI DOAN//PAE TAAN TANA WERAN RAE NAI LELA

TITE ATA KAKA ARIN OPU ALAP//KAKAN KERU ARIN BAKI

BEKE AKE TAI TULA TAAN NUHO TOU TAWAN//HOLAT AKE TAI LUGA TAAN KATAN RUA GERE

TI LEWO AKE NE DATA LAGA//TANA AKE NE SIDAK PEAK (NSP)

OPU KERU BINE BAKI//KAKAN PULO ARIN LEMA.

RAE MOTIN TOBI PUKEN//WELI MAUN BAO LANGUN.

TOBO UKU TIBAN MAAN MELA-MELA//PAE GAHIN BAGE MAAN SARE-SARE.

MAAN PUKEN TA'A LOLON MEGE//AKE PUKEN AKE PETEDEK//AKE PEWUNO AKE GENIN

NUKU PUKEN UKU MAAN TÉ BEWIHI//HELON WAI MUKO PUKEN//

DAWA NAWAN GAHIN MAAN TÉ WELEOK//SAMA APUN TANA LOLON.

MAAN MELA PAI TIBUN TAWAN//SAPE NUBA GERE TUTU NUBA.

MAAN SARE HAKA LAIN GERE//SIGA NARA GERE MARIN NARA.(NSP)

WIA ERE RUA'I KAE//KODA GESUTA TAA NOON KENI'ITEN//KIRI PÉ'ATA TAA NOO KENALANEN. LETA DIKE BEKE AKE PATE ONEM//AMPO SARE HOLA AKE HELU YONEM.

TULA TUEN LUGA BALIK//TAAN ONET MELA-MELA HELON WAI MAKOK TUKAN.

TAAN YONET SARE-SARE//SAMA SÉLAN BULI YONÉN. (NSP)

AMAK ATA ORANTUA//KAKA ATA LEKE GAYON

NUBA MURIN//NARA BARA

PETEN AKE TEPELATE SAMA SILI LIA GIKE//SUDI AKE TEGELARA HELON APE LERA LATE

KODA TUDAK LEWO TUKAN//KIRIN TAGA TANAH MATAN

TOBO GATU TI TUTU TAAN KODA NULUN KERU BAKI//PAE LALAN TI MARIN TAAN KIRIN WALEN WAI NOON SELAN

AKE TAAN SAMA DEMO LIKU LEWU//TI WITI NAI DEKUN DOPI TOBAN

AKE TAAN SAMA PAJI LAPAK TANAH//TI WAWE BOGO GALA BATAN

PETEN TAAN DIKE-DIKE//TITE ATA KAKA ARIN

SUDI TAAN SARE-SARE//TITE ATA ARIN NOON REUN (MLW)

PULO GOLEK TOBO TIKA KIWAN RAE//LEMA BUE PAE BAGE WATAN LAU

ATA INA TO'U MEHIN//ATA LAKE TO'U WORAKEN

PETEN HEKET TAAN MELA-MELA//SUDI HUKUT TAAN SARE-SARE

KODA TUDAK LEWO TUKAN//KIRIN TAGA TANAH MATAN

TUTU MARIN TAAN KODA NULUN KERU BAKI//MIPIN HOLO TAAN KIRIN WALEN WAI SELAN

AKE TAAN HAMA DEMON LIKU LEWUN//TI WITI DEKUN TOBAN,

AKE TAAN HELO PAJI LAPAK TANAH//TI WAWE BOGO GALA BATAN

TITE KAKAN NOON ARIN//TITE ARIN NOON REUN. (MLW)

SURI MURINE LEWO TANAH//GALA WUUNG SUKU EKAN
PANA PAI GAWE HAKA//TOBO GATU TAAN BATU ATU.

LERA DAI GNIKU ULI TITE//TEDO DORE LANGO ONE HAKA TAI 

GERE TOBO TEPE ROIN ORE MIO GELEK TUA DI. 

GO NIMOK MARAN PATA NIMUN MIO WAHAN KAE.

PULO HAKA TA'AN PULO PUPURO PERUTU//TI SAMA WUA LALI WAYAK

LEMA HAKA TA'AN LEMA BOITO MENOI//HELON MALLU WELI SEPEN.

EKA NE'EK LERA GERE//MANUK GOGOK SENI TAWAN

LODO TAI OLA DULI//GERE TAI HERE PALI

PETEN TA'A PAU NUBA//SUDI TA'AN BOE NARA (AKL)

LEWOTANA SORON LODO//TAI BUA DOAN DORI OLE//BALIK TAAN TULA TUEN LEWOTANA

KE SUSA TASIK TUKAN HIRE TETI DOAN//TANA EKAN NEIN PANA

TAI DAYON TEDOK WURA TUEN//TAAN LUGA BALIK TANA EKAN

KE PAYA LEWA LOLON PEDENA LALI LELA

LEWO NOLO TITE DORE//KE TENA ELENE LUTE SAMA KELI TEPELIKI

DI PUAN LODO NAI DANI WATO HALA//LAYA PUAN SAMA KEKAK TEGELENAN

DI PUAN BOLAK NAI SIPA WERA KURAN (KBW)

TOBO TIKA DOAN DULI SINA//PAE BAGE LELA PALI JAWA

NIMUN DOAN RAE LEWO//NAMAN LELA WELI TANA

PETEN TUDAK TAWEN TAGA//MATAK PIA HELON KOWA LOLON BOTUN
BOTUN DIKE NAAN NIAN NUANE PAI GETAN//GOKA LODO TEBELURUT

SAMA GUDI WUAN GOKA
NIMUN SENAREN
KAME PIA TOBO DOAN MOON SUSA PULO//TOBO TANI MIO DOAN MATAKE MOI HALA

MIO RAE PAE LELA MOON PAYA LEMA//PAE UTAN LELA YONEKEM MAI LILE KURAN.
NIMUN SENAREN KAME PETENE (KBW)

TITE HENA

NUKURO PUKEN TOU HENA//TIKA TUKAN TAI TOBO GOLEK-GOLEK

DAWARO NIMUN RUA HENA//BAGE LOLON TAI PAE GAWAK-GAWAK.(KBW)

TIWAN LEIK LODO PANA//KAI OLA HERE KAE NA.

LEWOTANA MOLO GO DORE//NEIN SAREN KAAN PANA LARAN.

TURUN SUSA PULO//GO PANA PEKEN LEWUK TANAK ADONARA.

TURUN PAYA LEMA//GO GAWE KAI LUPANO DI BEDELA

O...ADONARA.

SOGA LEIK LODO PANA PEKENO//IKIT LIMAK WALEN GAWE//GAWE KAI LUPANO

NAKU NUAN TENA LALI TUEN//GO TUEN KAI KOINO//HIIN LAYAR TETI BALIK GO KAI HERUNO.

SORON LIMAM HAU//HODE KALA WERAN GERE RAE KAI 

EDO SOK LEIM LODO// ADAN ADONARA

LERAN LIKO RAE LANGO YONEM//RAGA GRIHAN RAE NAWE MATAN

TAAN DIKE-DIKE//TAAN SARE-SARE// SARE KOI ADONARA

TADON MODI DORE TANAH SINA LALI TAI//NADON MODI TEDON JAWA HAKA TAI

NADON TOON ADONARA

LELA LOMI LAPAN MATAN//DI GO PENUDAN ONEK HALA

SEBA KAAN KEWAN BILIKE TERATU// SUDI LEWO ADONARA. (SBT) 

DOAN TASIK NABE LIKO//MO LIKO ADANO AKE DOAN BAIN

LELA LAYA NAI LAPAK//KE LAPAK AGANO AKE LELA BAIN
RAE LEWO TANAH RATAN POLE BAN'NET.

KODA GELETEN MUKO PUKEN//KIRIN BEWIHI WAI MATAN

SAREN SAMPE NAWA NAEN

PULO HAKA TA'AN PULO PUPURO PERUTU//TI SAMA WUA LALI WAYAK
LEMA HAKA TA'AN LEMA BOITO MENOI//HELON MALLU WELI SEPEN.